Маладосць. Творчасць. Поспех.

Сучасныя псіхолагі даследуюць актуальныя моладзевыя праблемы і шмат кажуць аб моладзі. Сярод рысаў сацыяльна-псіхалагічнага партрэта сучасных маладых людзей навукоўцы вылучаюць «... імкненне жыць годна тут і цяпер». А хіба гэта дрэнна? Я магу з упэўненасцю сказаць, што для многіх навучэнцаў Мінскага дзяржаўнага каледжа мастацтваў «годна» - гэта не толькі добры ўзровень у матэрыяльным плане, а і самарэалізацыя ў абраным відзе мастацтва, творчы пошук, прызнанне і поспех на канцэртных пляцоўках усіх узроўняў.

І яшчэ ёсць рыса ў сучаснай моладзі - маладыя людзі бясконца адданыя і ідуць за педагогамі, якіх паважаюць. Вельмі выдатна, што ў нас у каледжы шмат такіх выкладчыкаў. Зусім нядаўна на камісію «Харэаграфічнае мастацтва (народны танец)» прыйшла працаваць Таццяна Аляксандраўна Аксёнава, яна прыехала ў Беларусь з Расіі. Яна скончыла Валгаградскі дзяржаўны інстытут культуры і мастацтваў па спецыяльнасці балетмайстар-пастаноўшчык, харэограф-педагог, мае багаты творчы досвед працы. За кароткі перыяд часу створаны ёю гурт сучаснага танца «Разные лица» прынесла сваёй навучальнай установе мноства бліскучых перамог:

• 2010 лаўрэаты Нацыянальнага фестывалю мастацтваў "Зорка ўзышла над Беларуссю";

• Красавік 2012 Гран-пры на Міжнародным фестывалі танцавальнага мастацтва «Аб вясне ...» г. Харкаў (Украіна);

• Чэрвень 2012 г. Гран-пры на Міжнародным фестывалі дзіцячай і юнацкай творчасці «Таланты белых ночей» г. Санкт - Пецярбург (Расійская Федэрацыя).

Па выніках дадзенага фестывалю гурт разам з кіраўніком запрасілі на Міжнародны конкурс музычна-мастацкай творчасці «ТALLIN FEST 2012», які адбудзецца ў лістападзе 2012 года ў горадзе Таліне (Эстонія).

Усіх заўсёды цікавіла і цікавіць "формула поспеху", сакрэт поспеху, чаму камусьці шанцуе, а камусьці не? Напэўна, усё ж, гэта перш за ўсё - адданасць сваёй справе, пастаянны пошук чагосьці новага, поўная адсутнасць карыслівых матэрыяльных інтарэсаў, уменне ставіць высокія, на першы погляд, недасяжнымі мэты.

Як метадысту мне даводзіцца наведваць, а затым аналізаваць мноства заняткаў. І з першых хвілінаў становіцца зразумела, якія стасункі паміж выкладчыкам і навучэнцамі. Бывае, ўсё з метадычнай кропкі гледжання пабудавана правільна, а чагосьці бракуе, і навучэнцы актыўныя, а вочы не "гараць". Мне вельмі падабаецца прыходзіць на ўрокі да Таццяны Аляксандраўны не толькі на адкрытыя, а і на звычайныя (дарэчы, ў яе ўсё ўрокі адкрытыя, да нас у каледж на яе заняткі прыходзяць студэнты кафедры харэаграфіі Беларускага дзяржаўнага ўніверсітэта культуры і мастацтваў). Тут Праца, менавіта Праца з вялікай літары па перадачы ведаў,  уменняў і навыкаў сучаснага харэаграфічнага мастацтва і ... ЛЮБОВІ, любові да жыцця, да складанасцяў у гэтым жыцці і да самага галоўнага ў гэтым жыцці - да людзей, да сваёй прафесіі, справы, якой ты служыш ... і ўсё гэта праз харэаграфічную мову сучаснага танца. Які б па ліку ні быў урок (першы рана раніцай, або апошні позна ўвечары) - гэта заўсёды паказ, як кажуць харэографы, "ў поўную нагу", заўсёды разам з навучэнцамі ў руху ад пачатку занятка да яго заканчэння, дэманструючы ўзор выканальніцкай культуры.

Самае галоўнае для педагога - гэта, вядома ж, яго вучні. Файна, калі яны адданыя справе, якому служыць іх педагог, чакаюць яго, гатовыя падтрымаць яго ў любых творчых пачынаннях. Можна сцвярджаць са стоадсоткавай верагоднасцю, што і ранейшы склад (2010 - 2011 года): Мазур Алена, Ждан Вераніка, Праходская Ганна, Радкевіч Сяргей, Слізевіч Андрэй, Рулько Аляксандр, Міхнавец Марыя і навучэнцы цяперашняга складу: Собаль Анастасія, Багданава Вольга, Сярчэня Таццяна , Зараўнятных Лідзія - заўсёды гатовыя ўдзельнічаць у любых праектах педагога.

У канцы мая па запрашэнні Грамадскай арганізацыі "Беларускі рэспубліканскі саюз моладзі" група "Разные лица" ярка выступалі ў рамках Рэспубліканскай акцыі "Чарнобыльскі шлях" з кампазіцыяй "Рэчанька" (ваенная тэматыка), а ў чэрвені на Міжнародным фестывалі ў Санкт-Пецярбургу. На ламанай рускай мове замежныя госці фестывалю прызнаваліся, што "Рэчанька" - гэта проста ўзрушаюча і што нават мужчыны плакалі ......

І яшчэ адно цікавае назіранне - калі ёсць сапраўдная, шчырая творчасць, абавязкова знойдуцца людзі, якія дапамогуць данесці яго да шырокага кола гледачоў. Паездкі за мяжу сталі магчымыя для калектыву дзякуючы фінансавай падтрымцы Сікорскай Людмілы Уладзіміраўны - старшыні Апякунскай рады і Ксеніі Бараноўскай, якая з'яўляецца афіцыйным прадстаўніком Фонду Марыса Ліепы ў Рэспубліцы Беларусь.

Любая сустрэча пакідае след у душы і лёсе чалавека. Безумоўна, ўсе навучэнцы, якія сутыкаліся з Таццянай Аляксандраўнай, створаць свае творчыя калектывы, якія гэтак жа паспяхова будуць прадстаўляць Беларусь, харэаграфічнае мастацтва і наогул творчасць на самых прэстыжных пляцоўках свету.

Метадыст УА "Мінскі дзяржаўны каледж мастацтваў",
Чарнышова Вольга Сяргееўна