Выпускнікі УА "Мінскі дзяржаўны каледж мастацтваў»,

якія атрымалі адукацыю за кошт сродкаў бюджэту,

размяркоўваюцца згодна з Палажэннем аб размеркаванні выпускнікоў устаноў адукацыі,

якія атрымалі прафесійна-тэхнічную, сярэднюю спецыяльную або вышэйшую адукацыю,

зацверджанае Пастановай Савета Міністраў РБ 10 сьнежня 2007 г. № 1702.

Размеркаванне ажыццяўляецца ў мэтах задавальнення патрэб устаноў культуры Мінскай вобласці ў спецыялістах.

Выпускнікі, якія атрымалі адукацыю на ўмовах аплаты, па іх жаданні могуць накіроўвацца на працу на месцы, якія засталіся пасля размеркавання выпускнікоў бюджэтнай формы навучання.

Выпускнікі, якія атрымалі сярэднюю-спецыяльную адукацыю за кошт сродкаў рэспубліканскага і (або) мясцовых бюджэтаў і накіраваныя на працу, з'яўляюцца маладымі спецыялістамі і абавязаны адпрацаваць 2 гады.

Размеркаванне выпускнікоў ажыццяўляецца камісіяй па размеркаванні не пазней, чым за два месяцы да заканчэння выпускнікамі ўстановы адукацыі.

Камісія прымае рашэнне аб накiраваннi на працу выпускніка з улікам яго вынікаў паспяховасці, грамадскай працы, стану здароўя і сямейнага становішча, рэкамендацый ўстановы адукацыi аб найбольш мэтазгодным накiраваннi яго выпускніка на працу і яго асабістых пажаданняў. Рашэнне аб накiраваннi на працу прымаецца, як правіла, у прысутнасці выпускніка.

Па заканчэнні навучання ва ўстанове адукацыі маладым спецыялістам даецца адпачынак працягласцю ў адзін каляндарны месяц.

Маладым спецыялістам выплачваецца грашовая дапамога ў памеры месячнай стыпендыі, назначанай ім у апошнім семестры.

Выплата грашовай дапамогі ажыццяўляецца наймальнікам у месячны тэрмін пасля заключэння працоўнай дамовы (кантракта). Маладым спецыялістам гарантуюцца выплаты ў сувязі з пераездам, прадугледжаныя заканадаўствам.

Малады спецыяліст, які да названага ў пасведчанні аб накіраванні на працу тэрміну прыбыцця ў арганізацыю, залічаны ва ўстанову адукацыі на навучанне ў дзённай форме атрымання адукацыі больш высокага ўзроўню, абавязаны на працягу трох дзён пасля залічэння пісьмова (даведка з дэканата) паведаміць аб сваім залічэнні наймальніку.

Малады спецыяліст, які не прыбыў да месца працы ў тэрмін, які ўказаны ў пасведчанні аб накіраванні на працу, абавязаны пакрыць сродкі, затрачаныя дзяржавай на падрыхтоўку маладога спецыяліста ў даход рэспубліканскага і (або) мясцовага бюджэту. Установа адукацыі ў месячны тэрмін з дня атрымання дакумента аб непрыбыцця маладога спецыяліста, арганізуе працу па зборы неабходнай інфармацыі для прыняцця рашэння аб кампенсацыі затрачаных сродкаў маладым спецыялістам або яго вызвалення ад гэтага пакрыцця з выдачай даведкі аб самастойным працаўладкаванні.
Такое рашэнне афармляецца загадам кіраўніка ўстановы адукацыі. Копія гэтага загаду і разлік сумы затрачаных сродкаў, якія падлягаюць кампенсацыi ў бюджэт, накіроўваецца маладому спецыялісту з паведамленнем аб неабходнасці яе пакрыцця ў добраахвотным парадку ў шасцімесячны тэрмін.
Малады спецыяліст, які вырашыў добраахвотна вярнуць затрачаныя сродкі, для атрымання даведкі аб самастойным працаўладкаванні ўяўляе ва ўстанову адукацыі копію плацежнага дакумента аб кампенсацыі затрачаных сродкаў.
У выпадку адмовы маладога спецыяліста ад добраахвотнага пакрыцця сродкаў іх спагнанне ажыццяўляецца установай адукацыі ў судовым парадку ("Палажэнне аб звароце сродкаў у рэспубліканскі і (або) мясцовыя бюджэты, затрачаных дзяржавай на падрыхтоўку рабочага (служачага), спецыяліста").